Nagapanawagan ang Green Alert Negros ilabi na sa mga kabataan nga dapat balikan kag hibaluon ang history sang Agrikultura agud masolusyonan ang krisis sa pangunguma.
Sa interview sang Bombo Radyo kay Randy James Rojo, sila naglunsyar sang aktibidad nga nagalantaw sang sitwasyon sa karun sang manggunguma.
Suno diri, tinutuyo nila nga mapabaskog ang mga mangunguma.
Sa karun nga nagaka-eksperyensyahan ang epekto sang El Nino, suno kay Rojo, sa krisis dapat nga magtanum sang timprano agud sa pag-abot sang El Nino, tion na sang ani.
Dugang pa sini nga kun may historical background ang tanan, maitindihan ang impacts sang pangunguma kasubong man nga mabuligan ang masunod nga henersayon nga indi magtalang-talang.
Samtang, para naman kay Tim Oliverman sang Green Alert Negros, ginakasubo sini ang negatibo nga balita nga wala sang development sa mga illegal structures nga nagaguba sa agrikultura.
