Nagahingyo ang emergency operations center deputy for medical services sa Bacolodnon nga magsunod sa ginapatuman nga minimum health protocol apisar nga ginbatak ang curfew hours sa ciudad sa Disyembre 24 kag Disyembre 31 agud malikawan ang post-holiday surge.
Sa interview sang Bombo Radyo Bacolod kay Dr. Chris Sorongon, ginpahayag sini nga gin-lift ang curfew sa Bacolod agud mahatagan ligwa ang pumuluyo nga magselebrar sang Paskwa kag Bag-ong Tuig.
Apang dapat nga mag-obserbar sang minimum health protocol ang tanan agud malikawan nga magsaka ang kaso sang COVID-19 sa ciudad.
Suno sa iya, dapat nga may nakaplastar nga mga pulis agud mamonitor ang mga aktibidad sang mga pumuluyo.
Nagakadapat man nga mangin vigilante ang barangay officials sa pagbantay sang ila mga nasakupan.
