Handa na ang Explosive Ordnance Disposal (EOD) and Canine Unit- Negros Occidental sa pagpatigayon sang funneling kag sanitation inspection para sa nagahilapit nga eleksyon.
Sa interview sang Bombo Radyo kay PLt Alberto Sardua Jr, head sang EOD and canine unit, may lima ka ido nga ginpreparar nga ginalibot agud magtsekyar sa mga area kaangay sang simbahan, mga mall, mga buluthuan kag iban pa.
Suno diri, naprerar ang mga canine dog apang tag duha ka oras lang ang paggamit sa ila kag sila ang papahuwayon anay antes liwat nga gamiton sa operation.
Sa karun wala sang may narekord nga explosive related incident.
Pahanumdom sini nga magulu-aligmat sa lugar kag kun may yara sang makita nga unattended baggage ukon makaduluda nga bagahe, ipahibalo ini sa kapulisan.
