Nagpatigayon na sang panelling operation ang Provincial Explosive Ordnance Disposal and Canine Unit Negros Occidental sa mga patyo subong nga Tigkalalag.
Sa interview sang Bombo Radyo kay PCpt. Jester Minguez, Head sang Provincial EOD and Canine Unit, Negros Occidental, sang Biyernes nagsugod na sila sa pagpatigayon sang panelling operation partikular na sa Silay City kag Talisay City.
Suno diri, apat na ka mga patyo ang ila nga natsekyar kun sa diin duha sa ciudad sang Talisay kag duha man sa Silay.
Nagnegatibo naman sa hazardous kag explosive materials ang nasambit nga ciudad.
Isa lamang ang ila nga available nga explosive detection dog.
Suno kay Minguez, gina-una anay nila ang mga malapit nga lugar kag ila nga masarangan nga malab-ot.
Apang, ginapasalig man sini nga kun may mabaton nga tawag sa iban sementeryo, gilayon sila nga magaresponde.
Kahapon, ginpahayag ni Minguez madutay pa lamang ang nagaduaw sa sementeryo kag lauman subong nga adlaw ang pagdamo sang mga tawo.
Panawagan ni Minguez nga ireport gilayon sa otoridad kun may nabilin nga gamit nga mahimo iclaim sa iban nga indi man tag-iya.
