Gintsekyar na sang mga personnel sang National Crop Protection Center ang kahalitan sang Fall Army Worms (FAW) sa 5th District sang Negros Occidental partikular na sa banwa sang Isabela kag Hinigaran, subong man sa ciudad sang Himamaylan.
Sa interview sang Bombo Radyo Bacolod kay Negros Occidental 5th District Representative Atty Dino Yulo, ang mga nagbisita amo ang mga doktor sa insekto, duta kag agrikultura gikan sa National University – Los Baños.
Gin-athag sang mga ini nga madasig nga nagalapta ang army worms bangod ini ang wala lamang nagakamang, kag sa masami kun mangin moth na ang ulod, ini ang nagasaylo sa iban nga area agud didto naman mangitlog.
Dugang pa ni Yulo nga bangod nocturnal ang Fall Army Worms sila ang naga-atake sa gab-i samtang nagapanago naman sa likod sang mga dahon sa adlaw.
Ini kaangay sa mga herbicide nga sarang lamang makaspray samtang nagalakat, kinahanglan gid nga tiniran sang nagaspray ang lugar sang makadali kun luyag nga matapat ang mga insekto.
Dugang pa sini nga sala man ang paghangop sang kadam-an nga basta na lamang kun magmix sang duha ka sahi sang hilo, bangod natumod nga may ara sang mga pesticides nga mas epektibo, samtang may-ara naman nga kun samuon, sarang maneutralize ang epekto kag indi makapatay sang mga sapat-sapat.
Pasalig ni Yulo nga ipost man nila sa social media ang mga ginarekomendar nga pesticide kag ang spraying protocol agud maseguro nga mapatay ang mga Fall Army Worms.
Pahayag sang kongresista nga magluwas sa tatlo ka local government units sa 5th District, may mga isolated cases naman sa ciudad sang Kabankalan kag banwa sang Murcia.
