Ginpatpat sang isa ka environmentalist nga nagtuon sang history sang Bulkan Kanlaon kun ano ang nangin epekto sa mga sapat, sa mga pananom kag sa duta kasunod sang paglupok sang bulkan.
Sa interview sang Bombo Radyo kay Errol Gatumbato, ang bulkan Kanlaon ang isa ka aktibo nga bulkan nga indi mapaktan kun ano ang matabo sa iya.
Sang Lunes, paglupok sini wala sang prior notice ukon indikasyon nga ini ang malupok kag nagbuga sang 5,000 mteros nga aso.
Bangod sini natabunan ang duta sang abo kun sa diin ang mga pananom nga natup-an sang mainit nga abo gikan sa bulkan ang nagkalamatay.
Dugang pa nga naglapta ang baho sang asupre nga makahalit sa ikaayong lawas sang tawo kag sa mga kasapatan.
Naeksperyensyahan man ang pag-ilig sang lahar nga delikado man gid para sa tanan apang makita naman nga mismo ang Kanlaon ang naglimpyo sang kaugalingon sini sa paghugas sang abo.
Samtang, ang mga wildlife animals naman ang may dako nga posibilidad nga maka-sruvive bangod nga sila mismo ang una nga makahibalo kun may yara sang nagakatabo sa ila habitat.
Sa pihak nga bahin, masubo naman para kay Gatumbato nga ang iban nga bahin sang bulkan ang gin-convert na sa agricultural land.
Para sa iya, dapat nga tun-an nga mahimo nga marelocate na lamang ang mga residente sa area agud nga mas hilway sila bangod nga indi mapaktan ang liwat nga paglupok sang bulkan.
