Epy Quizon, gindayaw kag ginpasalamatan ang TNVS driver nga nag-uli sang iya nabilin nga cellphone

Gindayaw kag ginpasalamatan ni Epy Quizon ang TNVS driver nga naghulat sa iya agud mauli ang cellphone nga nabilin niya sa salakyan.

Sa iya nga social media post, ginpakigbahin sang aktor ang istorya sang insidente, kaupod ang litrato nila nga duha sang driver nga si Jhun Diaz.

Suno kay Epy, masobra tatlo ka oras ang nakaligad antes sini matalupangdan nga wala na ang iya cellphone.

Sang nagtawag ang iya nga bata kag ang iya partner nga si Mapet sa iya nga numero, ang driver nga si Jhun ang nagsabat.

Makaligad lamang ang pila ka minutos, nag-abot na si Jhun kag ginbalik ang cellphone ni Epy.

“People like you restore our faith in humanity”, pahayag ni Epy sa post.