May ginkustodiya na ang Escalante City Police Station nga gina-alegar may kaangtanan sa pagpatay sa 27 anyos nga babayi nga buka ang ulo nga nasapwan sa kakampuhan sa Sitio Bag-ong Dalan Palao 1, Barangay Balintawak, Escalante City kahapon sang aga.
Ginkilala ang biktima nga si Mariel Calago, 27 anyos, single, residente sang Park Homes 2, Barangay Washington, Escalante City.
Santo sa inisyal nga impormasyon sang biktima ang nagpamiyesta kun sa diin naglisensya nga magpangihi apang nadugayan wala na ini makabalik.
Ginpangita ini kag sa ulihi nasapwan nga wala na sang kabuhi kag wasak na ang ulo sini.
Sa interview sang Bombo Radyo Bacolod kay Police Lt. Col. Albert Sy, hepe sang Escalante City Police Station, nagapadayon pa ang ginapatigayon nga follow-up investigayon kag natapos naman sang Scene of the Crime Operation ang ginpatigayon nga forensic examination.
Suno kay Sy, may narecover sa crime scene nga dako nga bato samtang ang biktima ang ipaidalom naman sa autopsy kag sa postmortem examination
May gin imbetar naman ang mga kapulisan nga pila ka indibidwal bilang kabahin sang imbestigasyon.
