Nagpanugyan ang isa ka doctor nga likawan ang stress agud nga indi maapektuhan ang pagginawi.
Suno kay Dr. Cesar Yap, bisan ano pa ang himuon sang isa ka lalaki agud nga malikawan ang stress, daw kaangay nga kapid na ini sang tawo.
Kun stressed ang isa ka tawo suno kay Yap, indi na ini makafunction sang maayo kag indi makapaminsar sang maayo.
Suno sa doctor, agud nga mapahagan-hagan kag sa dalayon madula na ang stress nga nabatyagan mahimo nga magpamati sa music, magdrawing ukon maghimo sang caligraphy ukon mag-exercise.
Bangud sa demanding nga trabaho, sarang man nga magbakasyon ukon mag-imagine nga nagbakasyon sa manami nga lugar.
Dugang pa nga panugyan ni Yap agud nga marelax amo ang paghimo sang nakahuyugan kaangay lamang sang photography, pagsaot, pagkanta ukon creative writing.
Ginpahayag man sang doctor nga dapat mangin positibo man sa paglantaw sa kabuhi bangud kun masami negatibo ang ginapaminsar, mahimo nga madalman ang isa ka tawo.
Mas maayo man nga likawan man ang mga tawo nga nagahatag sang stress agud nga mapabilin nga maayo nga mental health.
