Plano sang Department of Public Works and Highways Bacolod City District Engineering Office nga irebuild ang esplanade sa Barangay Sum-ag nga naguba kadungan sang pagbaha.
Nahibaluan nga halos 15 metros ang kalabaon sang portion sang esplanade nga natiphag kasunod sang tayuyon nga pag-ulan bangud sa Bagyo Goring bangud natiphag ang floodwall.
Suno kay Engr. Abraham Villareal, district engineer sang Bacolod City District Engineering Office, kaayuhon liwat ang esplanade agud nga luwas ang nagalagaw diri.
Suno kay Villareal, nag-usmod ang foundation sang floodwall gani naguba man ang esplanade sa ibabaw.
Suno diri, madugay naman ginconstruct ang floodwall gani bangud makusog ang daludo sang tubig, nag-usmod ang duta.
Iga-rebuild naman ini sa mas madali nga panahon.
Suno sa district engineer, kun indi ini matigayon subong nga tuig, painan ini sang pondo sa masunod nga tuig.
Ang floodwall ang ginsuguran sang tuig 2014 agud nga masolbar ang baha sa Barangay Sum-ag, samtang tuig 2021 na nabuksan sa publiko ang esplanade.
Ini ang may budget nga P20 million.
