Ginapreparar na sang US Defense Department ang masobra $567 million nga security aid para sa Taiwan.
Santo sa report sang Pentagon, na-aprubahan na ang nasambit nga balor sang security aid kag ginahulat na lamang ang pirma ni US Pres. Joe Biden.
Masobra sa katunga sang security package ang mga military drones, anti-armor weapons, military stockpiles, air defense,“multi-domain awareness” kasubong man ang training para sa pagamit sini.
Ang nasambit nga military deal, ang magluwas pa sa $228 million aircraft spare parts nga gin-anunsyar sang Pentagon subong nga semana.
Madumduman nga sadtong Abril, gin-aprubahan sang US Congress ang $1.9 billion nga arms stock sa mga pungsod sa Indo Pacific kun sa diin ginpabugal diri nga magakadto sa Taiwan.
Sa idalum sang pagpamuno ni US Pres Joe Biden, 16 na ka beses sang magpagwa sang arms deal para sa Taiwan.
