Nagpatigayon sang pagsinapol sa Switzerland ang mga negosyador sang Estados Unidos kag Iran angot sa temporaryo nga kasugtanan agud untaton na ang gyera sa Middle East.
Ginpangunahan ni U.S. Vice President JD Vance ang delegasyon sang Amerika samtang ginpamunuan naman nanday Iranian Parliament Speaker Mohammad Bagher Qalibaf kag Foreign Minister Abbas Araghchi ang bahin sang Iran.
Antes ang pag-istoryahanay, liwat nga ginsara sang Iran ang Strait of Hormuz kasunod sang nagapadayon nga operasyon militar sang Israel sa Lebanon.
Samtang, ginpanindugan sang Hezbollah nga indi nila tugutan ang anuman nga ceasefire deal nga magahatag sang kahigayunan sa Israel nga makahulag sa sulod sang Lebanon.
Sa pihak sini, nagapadayon ang negosasyon samtang nagapabilin nga mataas ang tensyon sa rehiyon.
