Liwat nga nagsaka ang tensyon sa tunga sang Estados Unidos kag Iran matapos maglunsyar ang US sang mga airstrike batok sa pila ka mga militar facilities sang Iran.
Santo sa US Central Command, ginpatigayon ang mga pag-atake bilang depensa matapos ginaalegar gub-on sang Iran ang isa ka American drone.
Bilang sabat, ginpahayag sang Iran nga gintarget sini ang isa ka air base sang US sa Kuwait.
Ginkumpirmar naman sang Estados Unidos nga duha ka ballistic missile ang na-intercept kag wala sang casualty.
Padayon man nga nabutang sa alang-alang ang negosasyon para sa isa ka kasugtanan sa tunga sang duha ka pungsod.
Gin-akusaran sang Iran nga pabag-o bag-o ang mga ginapangayo sini, samtang ginpaathag sang Iran nga indi sila magpasugot sa anuman nga kasugtanan nga indi maproteksyunan ang ila kinamatarong.
Nagpaandam ang Iran nga mas mangin mabaskog ang ila nga sabat kun maliwat pa ang mga pag-atake sang US.
Ini ang pinakabag-o nga isyu sa nagalala nga tensyon sa Middle East samtang nagapabilin nga wala pa sang pinal nga kasugtanan sa duha ka kampo.
