Nagpaandam ang Estados Unidos sa Iran kag United Nations Security Council sang Miyerkules batok sa pagtarget sa Amerika ukon Israel kadungan sang pahayag ni U.N. Secretary-General Antonio Guterres nga ang makamamatay nga cycle sang pagtimalos ang dapat na nga mag-untat na sa Middle East.
Suno sa iya, lapit na lamang nga maubos ang tiyempo.
Ang 15-member council ang nagkitaay matapos ginpatay sang Israel ang pinuno sang Hezbollah militants kag nagsugod sang isa ka ground assault batok sa militante nga grupo kag gin-atake naman sang Iran ang Israel sa isa ka strike nga nagtuga sang mga kahangawa sang mas malapad nga gyera sa Middle East.
Suno naman kay U.S. Ambassador to the U.N. Linda Thomas-Greenfield, ang ila mga tikang ang defensive in nature lamang kag ginpaathag sini nga ang Iranian regime ang mangin responsable sa mga tikang sini.
Nagapaandam man ini sa Iran kag mga proxies sini sa paghimo sang tikang batok sa Estados Unidos ukon dugang nga mga tikang batok sa Israel.
