Ginakahangaw-an sang US intelligence nga magatupa ang Kyiv sa idalum sang kontrol sang Russia sa masunod nga mga inadlaw suno sa duha ka mga sources nga pamilyar sa latest intelligence.
Suno sa sources, ang initial US assessment antes paman ang invasion, nga naga-anticipate nga ang Ukrainian capital ang masakop sang Russia humalin sa isa tubtob apat ka adlaw nga pagpang-atake sang tropa, ang nagapabilin nga ginalauman.
Ang Russian forces ang yara na sa 20 miles sang Kyiv suno sa senior administration officials.
Nagapati ang mga opisyal nga nagapangatubang ang Russia sang hugot nga mga resistance nagikan sa Ukrainian forces apang ang mga officials sa briefing sa Capitol Hill ang wala naman nagkomento nga sila ang nagapati nga masakop ang Kyiv.
Santo sa assessment sang mga Western intelligence, ang plano sang Russia amu ang gub-on ang gobyerno sa Kyiv kag magtukod sang Russia-friendly proxy government apang wala pa sila nakahibalo kun paga-okupahon ni Russian President Vladimir Putin kag uyatan ang Ukrainian territory.
Samtang, ginpahayg naman ni Kyiv Mayor Vitali Klitschko nga ang tropa ang tuman kalapit na sa capital kag ginalauman ang mabudlay nga gab-i para sa ciudad.
Suno kay Klitschko, ang sitwasyon sa Kyiv kag mangin mabudlay gid ang masunod nga mga inoras.
Suno sa iya, tuman na kalapit ang Russian troops a capital kag ginaneutralize sang sabotage groups ang military kag law enforcement agencies sa ciudad.
Protektado naman ang mga taytay kag special control sa capital.
Nagapatrol man ang military equipment kag ang mga suldado sa Armed Forces.
Gindugang man sini ang naga-operate ang Kyiv hospitals sa wartime mode kag gin-install ang mga checkpoints sa main entrances sa ciudad kag malapit sa strategic facilities.
Suno diri, ginahimo nila ini agud protektahan ang Kyiv kag ginapasalamatan sini ang mga pumuluyo sang ciudad sa ila willingness nga depensahan ang capital kag ang pungsod kaupod ang iban nga units sang Armed Forces kag law enforcement agencies.
