Natalana subong nga Lunes, Hunyo 15 nga ipasaka ang kaso batok sa 24 anyos nga lalaki nga estudyante nga ginatudlo nagpatay sa isa ka manunudlo sa ciudad sang Bacolod paagi sa pagkastigo kag pagpainom sang muriatic acid.
Gin-alegar nga ginkastigo sang suspek ang manunudlo kag ginpainum sang muriatic acid sang Hunyo 12 sang gab-i.
Sa interview sang Bombo Radyo Bacolod kay Jay-R Reyes, station commander sang Bacolod Police Station 7, ginakumpleto pa sang nila ang tanan nga kinahanglanon nga papeles agud nga maproseso ang pagpasaka sang kaso.
Suno Reyes, nagapabilin nga nakahunong sa Bacolod Police Station 7 ang 24 anyos nga lalaki.
Panugyan ni Reyes nga natural lamang nga magpakig-abyan ukon acquaintance apang dapat lamang pilion kun sin-o ang ginaupdan kag ginapasulod sa puluy-an.
Suno sa station commander nagakooperar man ang pamilya sang biktima sa mga kapulisan kag nagkuha man sang abugado agud nga mapasakaan sang kaso ang suspetsado.
Madumduman nga ang manunudlo ang miyembro sang LGBTQ+ community, samtang estudyante naman ang suspect.
Gina-alegar nga nag-inom sang makahulubog nga ilimnon ang suspect sa puluy-an sang manunudlo antes matabo ang krimen.
May impormasyon nga nagadugsing lamang sang kastiguhanay ang manunudlo kag estudyante tubtob nga ini ang nangin matuod-tuod na.
Nabatian na lamang sang mga kaingod nga nagapangayo sang tabang ang manunudlo gani nagtawag sang kapulisan.
Bangod nakalock ang gate, naabtan sang kapulisan ang suspect kag ini ang naaresto.
