Ginalantaw sang station commander sang Bacolod Police Station 8 nga may settlement sa tunga sang pamilya ni Leonilo Borbon, ang nabunggu-an nga taxi driver, residente sang Bangga 9, Mabinuligon 2, Barangay Sum-ag, syudad sang Bacolod kag sang suspek nga si Miguel Jomarie Gialogo, isa ka estudyante.
Madumduman nga nakita lamang ang bangkay sang 48 anyos nga taxi driver sa isa ka gasoline station matapos ini mabugguan sang 22 anyos nga estudyante sa Goldenfield, Bacolod City.
Sa interview sang Bombo Radyo Bacolod kay Police Major Joery Puerto, kun may yara sang settlement nga matabo sa tunga sang pamilya sang biktima kag suspek magapirma lamang ang pamilya sang biktima sang affidavit of non-interest.
Nagpanugyan man si Puerto sa mga motorista nga kun nakainum na sang makahulubog nga ilimnon indi na magmaneho sang salakyan ilabi na sa mga malagyo nga destinasyon.
