Nagpablotter ang isa ka estudyante matapos nga may tawo nga indi sini kilala ang nagtanyag sa iya nga magsakay sa van.
Sa exclusive interview sang Bombo Radyo kay Jocel Flores, sang Agosto 13, kapin alas- 8:00 sang gab-i yara ini sa isa ka gasoline station sa may corner Hernaez Street sa ciudad sang Bacolod sang may nanotisyaran ini nga van nga nagaduag sang pula ukon maroon.
Suno diri, may lalaki sa sulod sang van nga maniwang, semi kalbo ang buhok kag ginabanta naga-edad sang 30 anyos pasaka.
Suno kay Flores, siya ang ginatulok gid sang lalaki kag ginsenyasan nga magsakay sa van apang wala sini ginsapak.
Mahinay nga naglakat ang van nga naglibot lamang sa gasolinahan samtang nagapilit sa gihapon ang tulok sang driver sa iya.
Bangod sa kakulba, gilayon ini nga nagtabok kag nagsakay sa jeep.
Nagpablotter na ini sa karun sa Bacolod Police Station 6 sa panindugan nga matuod ang natabo sa iya.
Nagpangayo man ini sang pasaylo sa mga nagpanic angot sa post sini sa social media apang luyag lamang sini nga maghatag sang awareness sa publiko
