Nagtakop naman ang Olympic journey ni Filipino boxer Eumir Marcial kag magapauli ini nga wala sang medalya nagikan sa Paris Olympics.
Ang beterano nga boksidor ang nalutos ni Turabek Khabibullaev sang Uzbekistan sa round-of-16 sa men’s 80kg division pasado alas 3:00 kaina sang kaagahon sa North Paris Arena.
Ini ang makakilibot nga resulta para kay Marcial, 28-anyos, nga nagalaom nga ma-imprubar ang bronze medal nga nadag-an sini sa Tokyo Olympics sang 2021.
Apang nangin mabudlay nga kasumpong ang 20-anyos kag nagapatigayon sang Olympic debut nga si Turabek kag nabudlayan ini nga makalikaw sa mga sumbag sang Uzbek boxer.
Nakaigo ini sa first round apang indi ini supisyente bangud lunsay nagpabor ang lima la judges kay Tubarek.
Sa ikaduha nga round, isa lamang ka judge ang nagpabor kay Marcial rason kun ngaa nangin agresibo ini sa third round kag nakakuha sang tatlo ka scorecards apang sa kabug-usan, nakuha sa gihapon sang Uzbekistan ang kadalag-an.
