662 ka pamilya ukon 1884 ka indibidwal ang yara temporaryo nga nagatinir sa St. Vincent’s High School, Inc sa banwa sang La Castellana kasunod sang paglupok sang Bulkan Kanlaon.
Suno kay Jecko Calataru, camp manager sa St. Vincent’s High School, Inc,. wala naman sang nagdugang nga evacuees magluwas lamang sang Martes.
Lunsay nagikan sa Barangay Mansalanao banwa sang La Castellana, Negros Occidental ang yara sa nasambit nga eskwelahan.
Wala man ang mga ini ginakulang sa water supply bangud ang Local Government Unit ang nagasupply man gilayon.
May nakastandby man nga mga nurses.
Nagahulat man sila sang go signal kun buksan pa ang isa ka elementary school agud nga himuon evacuation center.
Bisan puno na, ginaakumodar man nila gihapon bangud indi sila mahimo magpamalibad.
Suno kay Calataru, may yara man sila sang gate pass nga ginahatag bangud may mga residente nga nagapauli sa ila balay agud nga mag-atipan sang ila mga kasapatan.
