Nagdangat na sa kapin 5,000 ka mga indibidwal ang yara sa evacuation center bangod sa baha nga nagluntad sa ciudad sang Bacolod.
Suno kay Bacolod City Mayor Greg Gasataya, kaina sang aga nag-awas ang tubig sa major waterways sa Lupit, Mambuloc, Magsungay, Banago, Mandalagan, kag Villamonte.
Suno diri, nagdangat sa 70.5 mm ang volume sang tubig nga nagtupa sa ciudad.
Suno sa alkalde, tuman gid kataas sang baha sa ciudad kag suno pa diri, alas- 6:00 pa lang kaina sang aga, ginpadulongan na sang rescuers ang mga pumuluyo kag ginhambalan nga mag-evacuate na apang may yara sang nagpamalibad.
Pagsaka na sang tubig, amo pa nga ginpang-rescue ang mga nagtinir sa ila balay.
Sa karun ginapreparar na ang mga food packs nga ipanagtag sa mga evcuees kag amat-amat naman nga nagsubside ang baha sa pila ka bahin sang ciudad.
