Ginalauman ang pagdeklarar sang state of calamity sa probinsya sang Negros Occidental kasunod sa paglupok sang Bulkan Kanlaon.
Nagdangat na sa 3,470 ka mga pamilya ukon 11,720 ka mga indibidwal ang numero sang evacuees sa probinsya as of 1:00 pm, kahapon.
Anum ka mga Local Government Units ang nagpatigayon sang evacuation nga ginalakipan sang banwa sang La Castellana nga may 2,455 ka mga pamilya ukon 7,983 ka mga indibidwal nga gin-evacuate gikan sa brgy Cabagnaan, Camandag, Sag-Ang, Biaknabato, Mansalanao, Masulog, Manghanoy, kag Robles; sa ciudad sang Bago nga may 398 ka pamilya ukon 1,580 ka mga pamilya gikan sa apat ka barangay nga ginalakipan sang barangay Mailum, Ilijan, Binubuhan, kag Ma-ao; La Carlota City nga may 357 families ukon 1,346 ka mga indibidwal gikan sa barangay Yubo kag Araal; banwa sang Pontevedra nga may 245 ka mga pamilya ukon 722 ka mga indibidwal gikan sa brgy Zamora kag Gomez; banwa sang Moises Padilla nga may apat ka pamilya ukon 36 ka mga indibidwal nga gin-evacuate gikan sa Barangay Odiong; kag banwa sang Murcia nga may 11 ka pamilya ukon 53 ka indibidwal nga gin-evacuate gikan sa Brgy Minoyan.
Suno kay Negros Occidental Governor Eugenio Jose ‘Bong’ Lacson, may kapin sa P78 million pa nga quick response fund nga nabilin sa probisnya kag ini ang mahimo nga magamit para ibulig sa mga biktima sang paglupok sang bulkan.
Suno diri, santo sa paghinon-anon sini kay Secretary of the Department of National Defense Gilberto Teodoro igamonitor ang status sang bulkan kun hilway na nga makapauli ang mga pumuluyo apang kun may isa pa ka explosive eruption nga magluntad posible nga tubtob sa 10 km na ang makabig nga danger zone para magpatigayon sang forced evacuation.
