BACOLOD CITY — Nagtaliwan na ang anay administrator sang Philippine Red Cross Bacolod City – Negros Occidental Chapter nga si Raul Garganera.
Santo sa kumpirmasyon sa Bombo Radyo Bacolod sang pakaisa sini nga si Dennis Garganera, nagtaliwan ang anay opisyal Lunes sang gab-i bangud sa cardiac arrest.
Las 11:20 sang gab-i sang gin-atake si Raul kag ini ang gilayon nga napatay.
Una na nga naka-confine sa ospital si Garganera bangud sa pilas nga nadugayan mag-ayo tuga sang diabetes tubtub nga ini ang gin-atake kagab-i.
Si Garganera ang naga-edad sang 54 anyos.
Nahibaluan nga tuman ini ka aktibo sang administrator sang Red Cross nga amo ang masami ka-partner sang Bombo Radyo sa pagpatigayon sang Dugong Bombo tagsa ka bulan sang Noviembre.
Siya ang anay administrator sang Red Cross Iloilo antes gin-assign sa Bacolod.
Siya man ang isa sa mga nagbulig sa pagtukod sang Bombo Radyo sang Dugong Bombo.
Antes siya nagtaliwan, si Garganera ang konektado sa city government sang Bacolod bilang consultant.
