Gin-athag naman ni Commission on Elections (COMELEC) Ex-Commissioner Rowena Guanzon nga may yara man sang rason agud nga magpangakig ini kasunod sang nagviral nga video kun sa diin may ginturasok ini sang iya sang iya baston.
Sa interview sang Bombo Radyo Bacolod kay Commission on Elections (COMELEC) Ex-Commissioner Rowena Guanzon, nagalakat ini sa dalan kun sa diin ginsugat sini ang iya hinablos bangud nahadlok ang mga ini liwat nga mabanggaan sang mga hubog ukon gang bangud gin-aligar sini nga una na nga nabanggaan kag nakastiguhan ang iya hinablos nga nagpabulong man gani sa sentro sang syudad.
Suno kay Guanzon,samtang nagalakat ini may yara sang nagainum kag nagapanigarilyo nga grupo sa higad sang dalan kun sa diin ginaaligar sini nga may nagbunggo sa iya kag may nagtapak sa iya tiil kun sa diin nagabatyag ini sang arthritis.
Nasakitan ini gani nagpangakig siya kag gin-akigan ang mga tawo bangud ang mga ini ang wala sang respeto.
Suno diri, dapat ang higad sang dalan ang wala ginaimnan kag ginapanigarilyuhan.
Suno kay Guanzon, wala man siya nagpangakig kun ginarespeto lamang siya.
Ginpahayag man sini nga ang grupo ang may yara sang violation sang RA 11313 ukon The Safe Space Act (Bawal Bastos Law).
Ginpahayag pa sini nga igaduso niya nga sa masunod nga Dinagsa Festival sa Cadiz City ang wala na sang paginum kag pagpanigarilyo sa higad sang dalan.
