Pagapasakaan sang kaso ni Senator Jinggoy Estrada si former Bulacan 1st District Assistant Engineer Brice Hernandez matapos dalahigon ang mga senador sa hearing sang Kamara may kaangtanan sa korapsyon sa flood control projects.
Suno kay Estrada, magakonsulta ini sa iya mga abogado para sa kaso nga ipasaka batok kay Hernandez.
Suno kay Hernandez, nagpapanaog ang senador sang P355 million subong nga 2025 sa pila ka mga proyekto sa Bulacan, nga ginpanginwala ni Estrada.
Suno naman sa Senador, posible nga ginabalusan ini siya ni Hernandez matapos nga gincontempt sa hearing sang Senate Blue Ribbon Committee.
Samtang, wala naman nahadlok si Senator Joel Villanueva sa iya gintawag nga demolition job kag handa nga mahigkuan, mainsulto ukon mabatikos kun ini ang magasalbar sa mga pumuluyo sa sulit-sulit nga pagbaha sa pungsod.
