Ginreveal sang aktres nga si Ruffa Gutierrez nga liwat nga nagpropose sa iya ang iya ex-husband nga si Yilmaz Bektas.
Suno kay Ruffa, ginpamangkot niya si Yilmaz kun bala nagalahog lang ini apang suno sa iya anay bana, wala ini nagajoke kag luyag niya iinvite si Ruffa nga maglagaw sa Europe.
Apang, nagduha-duha sa gihapon si Ruffa nga suno sa iya, basi ginaplano lang ni Yilmaz nga patyon siya sa eroplano ukon sa train.
Ginreject naman ni Ruffa ang proposal ni Yilmaz kag nagpahayag si Yilmaz nga siya na lang ang mabisita kay Ruffa sa Pilipinas.
Ginhambalan naman ini ni Ruffa nga okay lang kag siya ang welcome nga magbisita sa pungsod.
Pahayag ni Ruffa, mas nagdalom na gid ang relasyon sang iya mga bata sa ila amay matapos ang ila pagbisita sa iya sa Turkey.
Ini naman ang ginkalipay sang aktres nga kaangay nakita sini nga nadula ang kasubo nga nabatygan sang iya mga bata.
Madumduman nga ginkasal si Ruffa kag Yilmaz sa Pilipinas sang 2003, nagbulagay sang 2007 kag na-annul sang 2012.
