Ginkompirmar sang Executive Assistant to the Mayor sa syudad sang Bacolod nga indi matapos ang subong nga semana kag igarelease na ang sweldo sang mga manunudlo sa Bacolod City College matapos nga madelayed ini.
Sa interview sang Bombo Radyo kay Executive Assistant to the Mayor Moises Dela Cruz, natapos na ang ratification sang Sangguniang Panlungsod para sa releasing sang tatlo ka bulan nga sweldo sang mga manunudlo sa BCC.
Suno kay Dela Cruz, bangud indi regular nga mga empleyado ang mga part time teachers sang nasambit nga eskwelahan, may yara sila sang kontrata nga ginpirmahan kag ginaratify pa sang konseho ang ila nga mangin sweldo.
Madumduman nga nagpadangat sang reklamo sa Bombo Radyo Bacolod ang pila ka mga manunudlo bangud wala pa sila nakabaton sang sweldo halin sang bulan sang Setyembre.
Sa karun, naproseso na ang iban nga payroll kag naforward na sa accounting ang iban.
