Lauman nga ipagwa sa masunod nga duha ka semana ang executive order nga naga-ban sa tanan nga Philippine Offshore Gaming Operators (POGOs).
Suno kay Presidential Anti-Organized Crime Commission (PAOCC) Executive Director Undersecretary Gilbert Cruz, nakita na sini ang draft kag ginalauman nga mapagwa na ang EO.
Suno diri, yara na ang definition of terms apang ginadiskusyonan sa karun ang concept sang operation kag kun paano ini i-disseminate.
Ginpamangkot naman ni Committee Chair Senator Sherwin Gatchalian nalakip ang special class Business Process Outsourcing (BPOs) kag e-gaming sa banning.
Apang, pahayag ni Cruz, may yara sang ipatawag nga technical working group para magtuon sa detalye kun ano nga mga entities ang malakip.
Samtang suno naman kay Philippine Amusement and Gaming Corporation (PAGCOR) Chair Alejandro Tengco, ang BPO ang nagaserbisyo sa backroom operations sang dalagko, lehitimo nga gaming companies kag wala nagabaton sang bisan ano nga sahi sang gambling.
