Ginpahayag ni Executive Secretary Lucas Bersamin nga wala sang labot ang Office of the President sa impeachment complaint nga ginfile batok kay Vice President Sara Duterte.
Ini ang ginpahayag ni Bersamin matapos nga nagpangayo sang komento ang mga reporters nagikan sa Malacanang natuhoy sa pagfile sang impeachment complaint batok kay Duterte, nga gin-endorso ni Akbayan Party-list Representative Perci Cendaña.
Suno kay Bersamin, ang impeachment complaint nga ginfile sa House of Representatives sang pila ka mga pribado nga mga citizens ang maathag nga independent initiative sang mga complainants kag ang endorsement sini ang prerogative sang maskin ano nga miyembro sang House of Representatives.
Suno pa diri, wala sang labot diri ang Office of the President.
Suno sa executive secretary, una na nga ginpahayag ni President Ferdinand “Bongbong” Marcos Jr. nga “unambiguous” ang impeachment kag apisar sang indi nila maayo nga sitwasyon sang bise-presidente, indi suportado ni Marcos ang impeachment plan batok kay Duterte.
