Naghinun-anon sanday Executive Secretary Ralph Recto kag Chinese Ambassador Jing Quan sang Martes, Abril 14 agud istoryahan ang pangkabilugan nga relasyon sang Pilipinas kag China.
Sa ginpatigayon nga courtesy call, ginpaathag sang Embahador ang liwat nga pag-umpisa sang mga dayalogo nga nagatuyo sa pagpabaskog sang bilateral relations sa tunga sang duha ka pungsod.
Ginpahayag man ni Ambassador Jing nga madamo pa sang mga pagbisita ang matabo subong nga tuig para mapakita sang positibo nga senyales sa relasyon sang Manila kag Beijing.
Kalakip sa mga gin-istoryahan ang pagpasanyog sang turismo, people-to-people exchanges, kag ang pagdugang sang mga direkta nga flight sa tunga sang mga syudad sa Pilipinas kag Tsina.
Nalakip man sa diskusyon ang kooperasyon sa pagpamatok sa mga transnational crimes, relasyon sa ekonomiya, kag ang sitwasyon sang enerhiya sa rehiyon.
Bilang paghanda, nalakip man sa pagsinapol ang Chairmanship sang Pilipinas sa ASEAN kag ang pagpanguna naman sang Tsina sa APEC 2026.
Lunsay nagpahayag sang pagsuporta ang duha ka pungsod para sa kadalag-an sang mga nasambit nga mga hitabo.
Kaupod ni Executive Secretary Recto sanday SDES Maria Luwalhati Dorotan Tiuseco, Usec. Facundo Palafox IV, kag Usec. Erwin Sta. Ana gikan sa Office of the Executive Secretary.
Nagtambong man sanday DFA Usec. Maria Andrelita Austria kag Deputy Assistant Secretary Princess Tomas.
