Handa na ang exit plan sang ciudad sang Bacolod halin sa enhanced community quarantine padulong sa general community quarantine kaangot sa coronavirus disease.
Ginalantaw naman sang bise alkalde sang ciudad nga maaayo nga development ang pagnegatibo sang mga COVID patient sa ciudad angot sa pagpaidalom sang Bacolod sa General Community Quarantine.
Sa interview sang Bombo Radyo Bacolod kay Vice Mayor El Cid Familiaran, ginpahayag sini nga preparado naman ang committee on exit plan nga ginapangunahan ni Councilor Archie Baribar sa pagpaidalom sang ciudad sa GCQ.
Suno kay Familiaran, isa sa hatagan sang konsiderasyon ni Mayor Evelio “Bing” Leonardia ang indi pagdugang sang kaso sa ciudad.
Gani nagalaom ini nga indi na maduganagan ang COVID cases.
Mapadayon naman ang check-up points apang nagadepende na sa pamunuan sang police kun kuhaon na ang pagbantay sa iban nga lugar magluwas sa border check-up points.
Suno sa bise alkalde, hulaton na lamang ang pinal nga rekomendasyon sang alkade angot sa pagbatak sang ECQ sa ciudad.
