Ginatutukan sang Bacolod Traffic Authority Office ang exit point sa ciudad sang Bacolod para sa mga nagabyahe ilabi na sa karun nga yuletide season.
Suno kay BTAO Head Patrick Leonard Lacson, ila na na-identify ang mga exit point para sa mga nagabisita sa ciudad ilabi na sa mga area nga nagapanguna nga ginapadulongan sang mga bisita.
Suno diri, alas 4:30 sang hapon, tion nga nagabug-at gid ang lakat sang trapiko, may yara sang dalan sa ciudad nga i-off ang traffic lights kag traffic enforcers ang magadereher sang trapiko.
Ini bangod indi na applicable pa ang traffic lights para diri.
Nakita man sini nga madamo sang nagapadulong sa reclamation area nga amo nga ginahamtangan sang mga baligya sang palupok kasubong man sa mga costumer sa mall nga nagadagsa, amo nga nagdesisyon ini nga magdugang sang deployment.
