Nag-abot na si expelled congressman Arnolfo Teves Jr. sa Pilipinas nagikan sa Timor Leste sang Huwebes sang gab-i, kapin duha ka tuig matapos nga siya ang gintudlo bilang mastermind sang pagpatay kay the late Negros Oriental governor Roel Degamo kag siyam ka iban pa sang Marso 2023.
Nagland ang eroplano sang Philippine Air Force nga ginasakyan ni Teves sa Davao kapin alas 7:30 sang gab-i agud magrefuel antes nagbyahe padulong sa Villamor Airbase sa Metro Manila.
Ang aircraft ang nag-abot sa Villamor Airbase pasado alas 11:00 sang gab-i.
Sa isa ka video statement sang Huwebes, ginpahayag ni President Ferdinand “Bongbong” Marcos Jr. nga nakabalik na sa Pilipinas ang anay mamalidha.
Suno sa Presidente, tion na sa karun nga mag-atubang sa hustisya si Teves.
