Ginpahayag sang kilala nga political analyst nga wala pa sang kumpleto nga detalye sa pag-aresto kay expelled Negros Oriental 3rd District Rep. Arnolfo Teves sa puluy-an sini sa Dili, Timor Leste.
Madumduman nga ginatudlo nga mastermind si Teves sa pagpatay kay the late governor Roel Degamo sang 2023.
Sa interview sang Bombo Radyo kay Atty Jomax Ortiz, nag-ayo ang Pilipinas para sa extradition ni Teves agud papulion ini sa Pilipinas matapos nga mangita sang asylum sa Timor Leste.
Ang kaso nagdaog sa lower court apang sa court of appeals gindeny ini.
Ang rason sa dismissal amo nga ang affidavit nga ginkuha sang kapulisan gingamitan sang pagpanghadlok amo nga ginreject ang tanan nga testimony.
Bangod nga gin-reject ang request sang Pilipinas, madamo sang nakibot sa pag-aresto kay Teves nga bisan ang legal counsel sini nga si Atty Ferdinand Topacio wala man sang ideya kun sin-o ang nagdakop kay Teves.
Pahayag ni Ortiz, gindakop si Teves kun sa diin may yara sang dutay nga komosyon kag pwersahan ini nga ginpagwa sa iya balay.
Sa karun suno sa abogado, wala pa sang kumpleto nga detalye kun sin-o ang nag-dakop kay Teves kag sa ano nga prosesso.
