Ginlunsyar sang Lunes, Setyembre 9, 2024 ang pagpahanugot sa pagpark sang mga salakyan sa kilid dalan Lacson umpisa alas-7:00 sang gab-i tubtob alas-5:00 sang aga, Lunes tubtob Biyernes.
Samtang bilog nga adlaw naman kun Sabado kag Domingo apang matapos naman alas-5:00 sang aga pagka Lunes.
Sa interview sang Bombo Radyo Bacolod kay Metro Bacolod Chamber of Commerce and Industry (MBCCI) Chief Executive Officer Frank Carbon, halin sa boundary sang Talisay-Bacolod padulong sa dalan Airport Road pakadto sa Barangay Alijis, pahanugutan ang parking sa higad dalan sang Lacson apang umpisa lamang alas 7:00 sang gab-i tubtob alas 5:00 sang aga kun Lunes tubtob Biyernes.
Apang bilog nga adlaw naman kun Sabado kag Domingo apang matapos naman alas 5:00 sang aga pagka Lunes.
Ang experiment ang epektibo lamang sa sulod sang 45 ka adlaw apang kun makita nga nangin madinalag-on ini, himuon sang Sangguniang Panlungsod nga isa na ka ordinansa.
Suno kay Carbon, ang tinutuyo sini amo ang balansehon ang pagpabilin sang smooth nga traffic flow sa Lacson Street kag paghatag sa mga negosyante sang opportunidad agud makapark ang mga customer malapit sa mga establishmento.
Gin-athag man sini nga may designate parking area ang mga private establishments kag indi mahimo parkingan ang kilid sang dalan sa atubang sang establishimento nga makabig na nga obstruction.
