Gin-extend sang Land Transportation Office ang expiration sang mga drivers license nga kinahanglan irenew sa Abril 24, 2023 tubtob Oktubre 31,2023 bangod sa kakulangan sang plastic cards para sa gina-issue nga ID.
Sa interview sang Bombo Radyo kay Renato Novero, chief sang Land Transportation Office Bacolod City, nakapapel lamang ang lisensya nga ginhatag sang LTO sa mga drayber nga magamit nila sang temporaryo tubtob nga may yara na sang supply sang plastic cards, apang gin-athag sini nga valid sa gihapon ang amo nga lisensya apisar nga nakapapel ini.
Iya man ginpahibalo sa publiko nga indi na kinahanglan pa irenew ang mga lisenysa nga ma-expire sa Abril 24, 2023 tubtob Oktubre 31,2023.
Nobyembre 1, 2023, mahimo na nga makakuha sang driver’s license nga nakaplastic na.
Samtang, yara pa sa gihapon sa bidding process sa kontraktor sa masunod nga maprovide sang palstic cards.
