Nabaton na sang Bacolod City Legal Office ang explanation sang 32 ka mga empleyado nga naassign sa General Services Office nga nagdoctor sang mga dokyumento agud nga maka-loan sa Government Service Insurance System (GSIS).
Sa interview sang Bombo Radyo Bacolod kay Atty Karol Joseph Chiu, reviewhon pa sini ang mga sabat sang 32 ka empleyado antes maghimo sang masunod nga tikang.
Suno kay Chiu, ginahulat man ang sabat nagikan sa Human Resource Management Office.
Dugang pa sa mga palamangkutanon sa karun ang department head ang yara man sang tion nga nagloan ang mga nasambit nga empleyado ngaa ang assistant department head ang nagpirma sang ila papales.
Ginpahayag man nga may yara sang delay ang sweldo sang mga empleyado sa GSO bangud sa insidente apang nagmando na si Bacolod City Mayor Greg Gasataya nga dapat maswelduhan gid ang mga empleyado.
Nahibaluan ang issue angot sa pagdoctor sang mga dokyumento agud nga makaloan ang 32 ka empleyado sang GSO employees bangud may yara sang natabo nga delay sa sweldo sang iban nga empleyado sang Bacolod City Government.
Sa interview sang Bombo Radyo Bacolod kay Bacolod City Mayor Greg Gasataya, ginatinguhaan sang man sang ciudad nga mahatag ang mga benepisyo sang mga government employees.
Suno kay Gasataya kinamatarong sang isa ka empleyado nga magloan apat dapat siguruhon nga insakto ang mga dokyumento.
Dugang pa sang alkalde indi sala ang magpangutang apang ang sala amo ang pagfalsify sang mga dokyumento.
