Nagpaandam ang Philippine Institute of Volcanology and Seismology sa posibilidad nga liwat nga pagluntad sang explosive eruption sa bulkan Kanlaon.
Sa interview sang Bombo Radyo Bacolod kay Pearly Sianson, Science Research Specialist sang PHIVOLCS Kanlaon Volcano Observatory, santo sa 24 hours monitoring sa bulkan may yara sang narekord nga anum ka volcanic earthquakes kun sa diin ang aso nga ginbuga sini nagdangat sa 835 tonnes per day kag ang plume nagdangat sa 75 meters ang kataason padulong sa dereksyon nga southwest kag south-southwest.
Suno diri, wala sang may narekord nga event ukon eruption sa bulkan matapos ang nagluntad nga moderate explosive eruption sang Huwebes apang nagpaandam si Sianson sa posible nga pagluntad sang ash emission ukon explosive eruption bangod sa magmatic movement sa idalom sang bulkan.
Pahayag sini, bisan nga may nagluntad nga explosive eruption wala nakasulod sa ila parameter nga mapasaka ang alert level sang bulkan.
