Pormal na nga nagpirma sang kasugtanan ang Department of Agriculture (DA) kag Department of Trade and Industry (DTI) agud nga mapabaskog ang pag-export sang mga agricultural products sang pungsod kaangay sang saging, mangga, seaweed kag mangin mga high-valued crops kaangay sang kape kag cacao.
Target man sang kasugtanan nga makilala sa international market ang mga produktong pinoy agud nga mangin mas mabakod ang exportation sang mga ini.
Kabahin sang kolaborasyon ang magatukod ang Department of Agriculture sang Agri-Export Help Desk nga siya ang magasabat sa mga issue kag mga problema nga may kahilabtanan sa exportation sang mga nasambit nga produkto.
Tinutuyo man sang pareho nga ahensya nga malakip sa mga global leader ang Pilipinas pag-abot sa mga food exports nga makahatag sang benepisyo sa mga mangunguma, mangingisda kag iban pa nga kabahin sang agricultural sector.
