Ginrekomendar ni Commission on Elections Chairman George Erwin Garcia sa en banc ang extension sang online registration para sa deactivated voters.
Ang ini nga tikang ang may tinutuyo nga i-encourage ang nabilin nga deactivated voters agud mag-avail sang extended online registration sang Comelec nga magapadayon tubtob Setyembre 25, 2024.
Suno kay Garcia, agud mapasugtan ang 5.73 million nga mga Filipino nga wala pa nakapareactivate.
Humalin Pebrero 12 tubtob Setyembre 11 subong nga tuig, 556,231 registered voters lamang ang nagproseso sang ila mga application para sa transfer for reactivation; transfer for reactivation with correction of entries; reactivation kag reactivation with correction of entries.
Sa data sang Comelec, kalabanan sang nasambit nga mga applications ukon 342,991 ang para sa reactivation.
Samtang, ang voter’s application naman santo sa tally sang Comelec sang tinalikdan nga semana ang yara na sa 6,131,834.
