Ginpahayag sang miyembro sang Board of Directors sang Philippine Chamber of Commerce and Industry nga dapat matadlong na ang sistema sang mga ginapatigayon nga flood control project sa pungsod.
Suno kay Frank Carbon, dapat focusan ni president Ferdinand Marcos Jr ang paghibalo kun diin na ang kwarta nga gin-alokar sa flood control project kag pila ang pondo.
Suno diri, ini agud mahibaluan kun husto bala ang nagatrabaho sa mga proyekto kag kun indi man, sin-o ang dapat nga basulon.
Suno pa diri, dapat nga hibalo-on man kun bala gintontohan sang mga kongresista kag senador ang pagsaylo-saylo sang proyekto para sa ila benepisyo.
Pahayag ni Carbon, dapat insaktohon na ang sistema sa pagpatigayon sang mga proyekto sa pungsod agud indi na ini maliwat pa.
