First Time sa maragtas sang Pilipinas inkaso madayun ang prisoner swap nga request sang gobyerno sang Indonesia kabaylo kay dimissed Bamban, Tarlac Mayor Alice Guo.
Madumduman nga naaresto si Guo sa Tangerang City, Indonesia sang Miyerkules sang kaagahon kag ini ang natalana na nga ibalik sa Pilipinas.
Apang ginpahayag ni Justice Secretary Jesus Crispin ‘Boying’ Remulla, nga nagrequest ang Indonesia sang prisoner swap kabaylo sa Australian national nga si Gregor Johann Haas, nga naaresto sa Pilipinas sang Mayo.
Sa interview ang Bombo Radyo Bacolod kay Atty Jomax Ortiz, bangod wala pa sang formal request gikan sa Indonesian Government, ginalantaw nga una na lamang nga ginproseso ang pagpapauli kay Guo, kag sunod na lamang iproseso ang extradition ni Haas.
Ini bangod kun magpatigayon sang formal request para sa prisoner swap, madugayan pa antes mapabalik sa Pilipinas si Guo.
Nagapati si Ortiz nga indi man mabudlay ang pagpatigayon sang extradition bangod si Haas ang napriso bangod lamang sa Immigration violation, samtang ini ang may kaso naman nga drug trafficking sa Indonesia.
Ginalantaw sini nga naghatag na lamang sang pasalig ang gobyerno sang Pilipinas nga gilayon asikasuhon ang extradition kasunod sa pagpapauli kay Guo.
Sa pihak nga bahin, apisar sa complaints may kaangtanan sa Philippine Offshore Gaming Operator (POGO) nga linked sa human trafficking, money laundering kag tax evasion si Guo ang wala pa nadagdagan sang warrant of arrest sang ano man nga korte.
Sa baylo, siya ang gincite in contempt sa Senado gani ini ang gin-issuehan sang arrest warrant.
Nagapati si Ortiz nga kaangay kanday Shiela Guo kag Cassandra Li Ong, abisuhan man sang legal counsel ang anay alkalde nga I-invoke sini ang “rights to remain silent”.
Ini agud indi na magdako pa kag wala na sang dugang pa nga mabuyagyag nga pangalan.
Panugyan naman sang abogado nga magpatigayon na lamang sang executive session kabaylo sang public hearings.ORTIZ
