Suspendido naman ang face to face classes diri sa ciudad sang Bacolod subong nga adlaw, Abril 1, tubtub bwas nga adlaw sang Martes, bangud sa mainit nga panahon.
Sa deklarasyon ni Mayor Albee Benitez, gin-engganyo sini ang pre-School, elementary, secondary kag senior high levels nga mag-adopt sang alternative delivery modes para sa instructional methods para sa mga estudyante.
Samtang, ang private schools naman nga may air-conditioned rooms kag tertiary-level institutions ang may yara sang discretion nga magpadayon sang face-to-face classes.
Sa ginpagwa naman nga mensahe ni Mayor Joedith Gallego sang Silay City, may yara man sang suspension sang face-to-face classes kag shifting sa modular ukon online classes sa Silay subong nga Lunes tubtub bwas.
Ang public information office sang EB Magalona Municipal Government ang nagpagwa man sang deklarasyon sa kanselasyon sang face-to-face classes kag shifting sa online classes subong nga adlaw tubtob bwas.
