-- ADVERTISEMENT --

Bilang tikang agud mabatoan ang pagdugang sang Dengue fever, gintukod ang pinakadako nga mosquito factory sa Brazil nga sarang makaproduce sang kapin 190 million ka lamok kada semana.

Ini nahamtang sa Campinas, Brazil kag ang factory may kalaparon nga 1,300-square-meter kun sa diin ang mga staff wala untat nga nagatrabaho agud masiguro nga kapin sa 200 million ka lamok mangin mature antes buy-an agud magdamo.

Ini kabahin sang well-documented process agud maprebentar ang paglapta sang Dengue fever.

Sa ini nga stage, ang Aedes aegypti mosquitoes gintatap sa sulod sang facility kag sila infected sa Wolbachia bacteria nga nagaprebentar sa pagdevelop sang Dengue virus sa ila lawas.

Ang mga lamok nga ginbuy-an, makabreed sa mga lamok sa gwa tubtob nga mapasa sa mga dason nga henerasyon nga mga lamok ang Wolbachia bacteria.

-- ADVERTISEMENT --

Ang Wolbachia method naggamit na sa iban man nga bahin sang kalibutan apang ang Brazil nagalaum nga magamit ini sa mas dako nga volume bangod padayon nga nagalala ang Dengue fever kada tuig.

Ang world’s largest mosquito factory sarang makaproduce sang 190 million mosquitoes per week nga makaserbe sa populasyon sang 100 million ka tawo kada tuig.