Para sa tagpamaba sang Bantay Bigas, failure ang rate sini sa presidente bangod madamo sang nagakagutman nga Pilipino sa tatlo ka tuig sini nga pagpungko sa pwesto.
Sa interview sang Bombo Radyo Bacolod kay Cathy Estavillo, sa tatlo ka tuig nga termino ni President Ferdinand ‘Bongbong’ Marcos Jr ginguba sini ang sektor sang agrikultura bangod sa dalagko nga importasyon bisan may yara man sang kaugalingon nga produksyon ang Pilipinas.
Suno diri, kun ang bagyo nag-abot kag naghalin matapos manghalit apang ang presidente makapanghalit pa sang dugang nga tatlo ka tuig.
Dugang pa sini, kun sa pag-eskwela naman kaangay nga ginkick-out na ang presidente.
Pahayag ni Estavillo, ang P20 per kilo sang bugas ang band aid solution lamang bangod limitado lamang ang makabenepisyo diri kag indi pa tayuyon.
Para sa iya, pasalig lang ang ginahatag sang presidente kag ang realidad ang mga pumuluyo ang biktima sang nagapadayon nga pagsaka sang presyo sang mga balaklon bisan sa mga basic needs.
