Aminado ang fashion designer nga disappointed ini sa nangin resulta sang Miss Universe 2025 pageant.
Madumduman nga ginkoronahan bilang Miss Universe 2025 si Fatima Bosch sang Mexico; 1st runner up si Praveenar Singh sang Thailand; 2nd runner up si Stephany Abasali sang Venezuela; 3rd runner up si Ahtisa Manalo sang Pilipinas kag 4th runner up si Olivia Yace sang Cote d’Ivore (koht-dee-vwahr).
Malipayon man ini para sa pagdaog ni Miss Mexico, bangod ini ang may una na nga misunderstanding sa pageant director nga si Nawat Itsaragrisil.
Nahibaluan nga nagwalk out si Bosch matapos gin-insulto ni Nawat, kag suno kay Christopherson siya ang hinali nga nadula sa radar, nagbalik, kag nagdaog.
Ginpakilala man sini ang kaugalingon bilang strong woman kag may self worth, nga handa manindugan para sa organisasyon, apang magapamatok man kun ini ang makasupak na sa iya personal nga panindugan.
Nasubuan man ini nga nangin 3rd runner up lamang si Ahtisa bangod nagpinsar ini nga magadaog ang pambato sang Pilipinas.
Suno diri, madamo na sang fans si Ahtisa sa iya pag-umpisa, kag siya ang naghaitus sang lima ka tuig antes magcomeback para sa Miss Universe.
Aminado si Christopherson nga nakibot ini sa nangin resulta sang pageant bangod ang mga may maayo nga sabat ang nabutang pa sa ulihi nga rankings.
Sa personal vote sini, ang nagpanguna sa Question and Answer portion amo ang Pilipinas kag Thailand.
Paathag man sang fashion designer kag pageant chairperson nga ang desisyon sa pageant ang 80 percent gikan sa mga judges kag 20 percent gikan sa organizer.
Gani dako ang papel sang preliminary events bangod diri ginalantaw ang mga hot picks nga nakitaan sang winning glow.
Nalipay man si Christopherson sa performance sang Cote d’Ivore (koht-dee-vwahr) nga suno sa iya, nagbatak gid sang ila nga pungsod agud makilala sa bilog nga kalibutan.
