Gintow pabalik sa BREDCO Port ang fastcraft vessel sang Weesam Express matapos mapatyan sang makina samtang yara sa tunga sang lawod kaina sang aga.
Sa interview sang Bombo Radyo Bacolod kay Coast Guard Commander Jansen Benjamin, Commander sang Coast Guard Station – Northern Negros Occidental, napatay ang makita sang Weesam 6 nga nagabyahe Bacolod – Iloilo kaina alas-7:20 sang aga kag sila ang gilayon man nga nagcontact sa PCG alas-7:25 sang aga kun sa diin sila ang nagbulig sa pagtow sang sakayan pabalik sa BREDCO Port.
May-ara sang 57 ka pasahero ang fastcraft vessel, nga kalabanan legal age.
Suno kay Benjamin, nagka-angkon sang streering problem ukon deperensya sa timon ang Weesam 6.
Gilayon man nga nagpatigayon sang inspection ang PCG kasubong man ang technical team sang shipping line.
Nangin kalmado man ang sitwasyon bangod gin-assist man ang mga pasahero tubtob nakabalik sa port, kag sa pagtsekyar sang medical team sang BREDCO wala man sang nakita nga problema.
Ginrefund man ang mga pasahero kun sa diin ang iban ang wala nalang nagdayun sa byahe, samtang ang iban ang nagsakay sa kasunod nga trip padulong sa Iloilo.
