Sa ikalima nga adlaw sang Misa de Aguinaldo, ang tema ang nakasentro sa Stewardship kag commitment.
Sa homiliya ni Reverend Father Francisco Perez sang Triumph of the Holy Cross Parish,ginpahanumdom sini nga ang iloy sang Ginoo, si Blessed Virgin Mary amo ang ginakabig nga bringer of joy ukon tagdala sang kalipay.
Paathag ni Fr Perez, ang kada tawo ang may tagsa-tagsa ka wattage sang kalipay santo sa sitwasyon.
Kag ang tawo ang kaangay man sa bombella nga may nagkalainlain nga wattage kun sa diin may-ara sang masanag kag may-ara man sang nagapiraw-piraw ang pagsiga.
Paathag sini nga dapat tularan ang Birheng Maria sa commitment sa pagtuman sa kasuguan sang Diyos.
Sa pulong sang Diyos, ang anghel ang nagtunda kay Maria nga siya ang magadala sang bata nga lalaki pinaagi sa Espiritu Santo.
Apisar nga siya ang ulay ukon birhen, wala sini ginduhaduhaan ang plano sang Ginoo kag nagpabilin ang commitment ukon pagsalig nga siya ang magabun-ag sang manluluwas sa kalibutan.
Suno kay Fr Perez, dapat nga binagbinagon sa atun kaugalingon, kun kita bala ang nagadala sang maayo nga balita ukon ang pagpadulong sa iban nga tawo ang para sa kutso-kutso lamang.
Pahanumdom sini nga dapat dala natun ang mensahe nga makahatag sang kalipay sa iban nga tawo.
Paathag ni Fr Perez nga kita ang dapat loyal sa Ginoo kag indi mangin loyalist sa iban nga tawo.
Gindumdom man sini nga sang 1995 sang ginhiwat ang World Youth Day nga ginpatigayon sa Pilipinas kun sa diin ginpadala ni Pope John Paul II ang mensahe nga maggwa kag isugid sa tawo ang matuod-tuod nga paghigugma sang Ginoo.
Pahayag sini nga kun luyag nga mangin bringers of joy sa iban nga mga tawo magpalapit sa mga tawo nga kaupod si Hesus kag indi nga nagaisahanon.
Pinaagi sa pagdala sang maayo nga balita sang kaluwasan, nagapati si Fr Perez nga ma-imprubar pa ang relasyon sa iban kag ini ang makatuga sang kalipay.
