Nasapwan nga nasulod sa plastic ang fetus nga nakit-an sa Purok 3, Brgy 9, Kabankalan City, Negros Occidental sang Miyerkules.
Sa interview sang Bombo Radyo Bacolod kay Police Captain Joelan Vinson, deputy chief of police sang Kabankalan City Police Station, nakit-an sang mga kabataan nga nagapamunit sa suba ang isa ka plastic kag sa ila pagtsekyar, nasulod diri ang fetus.
Suno kay Vinson, ginreport ang insidente sa Barangay kag sila nakig-angot man sa kapulisan.
Sa karun, gina-imbestigaran kun may yara sang residente sa Barangay nga nagabusong ukon manugbata.
Ginalantaw naman nga naga-edad sang apat tubtob lima ka bulan ang fetus.
Panawagan sini sa mga iloy nga panindugan ang responsibilidad bangod makaluluoy ang bata.
Mensahe man sini sa mga kabataan nga wala sang problema kun magpalangga apang kontrolon ang balatyagon kag kun natabo gid man nga magbusong dapat nga panindugan ang natabo kag magpahibalo.
