Opisyal na nga nag-abanse sa Round of 32 sang FIFA World Cup 2026 ang defending champions nga Argentina matapos sini ginlutos ang Austria, sa score nga 2-0, sa ila pinakaulihi nga hampang sa group stage nga natigayon kaina sang kaagahon, oras sa Pilipinas.
Liwat nga nangin bida para sa Albiceleste ang 38-anyos nga kapitan nga Lionel Messi sang ini lamang ang naka-score sa iya nga team paagi sa duha ka goal.
Sa impressive performance ni Messi, naka-record ini sang kabug-usan nga 18 ka goal sa maragtas sang World Cup, nga nalapawan ang anay record ni Miroslav Klose sang Germany nga may 16 ka goal gani ginhingadlan si Messi bilang bag-o nag all-time leading scorer sang torneo.
Nakuha ni Messi ang una nga goal sa katapusan nga bahin sang first half sang madinalag-on sini nga nalusutan ang depensa sang Austria sa ika-38 minutos.
Naselyohan ang kadalag-an sang Argentina sang ginsundan niya sang goal sa second-half stoppage time.
Sunod nga atubangon sang Argentina ang Jordan sa Hunyo 28, Dominggo, alas-10:00 sang aga (oras sa Pilipinas).
